Qazaqstan Respýblıkasy Ulttyq ekonomıka mınıstrliginiń buıryǵy  №279

  2016 jylǵy 23 maýsym, Astana qalasy «Qýattylyǵy az tabıǵı monopolııalar sýbektileriniń qyzmetin ońaılatylǵan memlekettik retteý erejesin bekitý týraly» Qazaqstan Respýblıkasy Ulttyq ekonomıka mınıstriniń 2014 jylǵy 29 jeltoqsandaǵy № 176 buıryǵyna ózgerister engizý týraly buıyramyn: 1. «Qýattylyǵy az tabıǵı monopolııalar sýbektileriniń qyzmetin ońaılatylǵan memlekettik retteý erejesin bekitý týraly» Qazaqstan Respýblıkasy Ulttyq ekonomıka mınıstriniń 2014 jylǵy 29 jeltoqsandaǵy № 176 buıryǵyna (Normatıvtik quqyqtyq aktilerdi memlekettik tirkeý tiziliminde 2015 jylǵy 19 naýryzda № 10512 tirkelgen, 2015 jylǵy 1 sáýirde «Ádilet» aqparattyq - quqyqtyq júıesinde jarııalanǵan) mynadaı ózgerister engizilsin: taqyryby mynadaı redaksııada jazylsyn, orys tilindegi mátin ózgermeıdi: «Qýattylyǵy az tabıǵı monopolııalar sýbektileriniń qyzmetin ońaılatylǵan memlekettik retteý qaǵıdalaryn bekitý týraly»; 1-tarmaq mynadaı redaksııada jazylsyn, orys tilindegi mátin ózgermeıdi: «1. Qosa berilip otyrǵan Qýattylyǵy az tabıǵı monopolııalar sýbektileriniń qyzmetin ońaılatylǵan memlekettik retteý qaǵıdalary bekitilsin»; kórsetilgen buıryqpen bekitilgen Qýattylyǵy az tabıǵı monopolııalar sýbektileriniń qyzmetin ońaılatylǵan memlekettik retteý qaǵıdalarynda: 7-tarmaq mynadaı redaksııada jazylsyn: «7. Ýákiletti organnyń vedomstvosy ótinimdi alǵan kúninen bastap bes jumys kúninen aspaıtyn merzimde usynylǵan materıaldardyń tolyqtyǵyn qaraıdy jáne tekseredi jáne qýattylyǵy az tabıǵı monopolııa sýbektisine ótinimdi qaraýǵa qabyldaǵany nemese bas tartý sebepterin kórsete otyryp, ótinimdi qaraýǵa qabyldaýdan bas tartqany týraly jazbasha túrde habarlaıdy. Tabıǵı monopolııa sýbektisiniń ótinimin qaraýǵa qabyldaýdan bas tartý sebepteri: 1) ótinimdi usyný merzimderin buzý; 2) Qaǵıdalardyń 4-tarmaǵynda kórsetilgen qujattar paketin tolyq usynbaý; 3) usynylǵan qujattardyń Qaǵıdalardyń 6-tarmaǵyna sáıkes kelmeýi; 4) dáıeksiz aqparatty qamtıtyn qujattardy usyný bolyp tabylady. Qýattylyǵy az tabıǵı monopolııa sýbektisiniń tarıfti (baǵany, alym mólsherlemesin) jáne tarıftik smetany tótenshe retteýshi shara retinde bekitýge ótinimin qaraýǵa qabyldaýdan bas tartý sebebi Qaǵıdalardyń 5-tarmaǵynda kórsetilgen qujattardyń usynylmaýy bolyp tabylady.»; 9-tarmaq mynadaı redaksııada jazylsyn: «9. Ýákiletti organnyń vedomstvosy qýattylyǵy az tabıǵı monopolııa sýbektileriniń rettelip kórsetiletin qyzmetterine tarıfterdiń (baǵalardyń, alymdar mólsherlemeleriniń) jobalaryn kúntizbelik otyz kúnnen aspaıtyn merzimde qaraıdy. Tarıfterdiń (baǵalardyń, alymdar mólsherlemeleriniń) jobalaryn qaraý merzimi ótinim berilgen sátten bastap esepteledi. Ýákiletti organnyń vedomstvosy tótenshe retteýshi sharalar retinde sheshim qabyldaý úshin qýattylyǵy az tabıǵı monopolııalar sýbektileriniń rettelip kórsetiletin qyzmetterine (taýarlaryna, jumystaryna) tarıfterdiń (baǵalardyń, alymdar mólsherlemeleriniń) jáne tarıftik smetalardyń jobalaryn kúntizbelik on kúnnen aspaıtyn merzimde qaraıdy.»; 13-tarmaq mynadaı redaksııada jazylsyn: «13. Ýákiletti organnyń vedomstvosy qýattylyǵy az tabıǵı monopolııa sýbektileriniń rettelip kórsetiletin qyzmetterine tarıfterdi (baǵalardy, alymdar mólsherlemelerin) bekitý týraly sheshim qabyldanǵanǵa deıin bir kún buryn jarııa tyńdaýlar ótkizedi.»; 33 jáne 34-tarmaqtar mynadaı redaksııada jazylsyn: «33. Ýákiletti organnyń vedomstvosy tarıftik smetany túzetý týraly qujattardy usynǵan kúnnen bastap kúntizbelik otyz kúnnen aspaıtyn merzimde qaraıdy. 34. Eger tarıftik smetany túzetý týraly usynysty qaraý kezinde qosymsha qujattar (aqparat) qajet bolǵan jaǵdaıda ýákiletti organnyń vedomstvosy qujattardy usyný bes jumys kúninen kem bolmaıtyn merzimin belgilep, ony ótinish berýshiden jazbasha túrde suratady. Mundaı jaǵdaıda tabıǵı monopolııa sýbektisiniń tarıftik smetany túzetý týraly usynysyn qaraý merzimi kúntizbelik otyz kúnnen aspaıtyn merzimge uzartylady, ol týraly ótinish berýshige qaraý merzimi uzartylǵan kúninen bastap kúntizbelik úsh kún ishinde habar beriledi. Tarıftik smetany túzetý týraly usynysty qaraý merzimin ýákiletti organ vedomstvosynyń basshysy uzartady.». 2. Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti Qazaqstan Respýblıkasynyń zańnamasynda belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúninen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqty Qazaqstan Respýblıkasynyń Ulttyq ekonomıka mınıstrliginiń ınternet-resýrsynda ornalastyrýdy; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Ulttyq ekonomıka mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalǵany týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Ulttyq ekonomıka mınıstri Q.BIShIMBAEV «KELISILDI» Qazaqstan Respýblıkasynyń Aqparat jáne kommýnıkasııalar mınıstri ________ D. Abaev 2016 jylǵy «___» ____________ Buıryq Qazaqstan Respýblıkasynyń Ádilet mınıstrliginde 2016 jylǵy 25 shildede Normatıvtik quqyqtyq kesimderdi memlekettik tirkeýdiń tizilimine №13973 bolyp engizildi.